Hövzə Xəbər Agentliyinin Tehran üzrə müxbirinin verdiyi məlumatına əsasən, qadın və ailə məsələləri üzrə doktor Zəhra Bəhruzazər “Qadın və ailə sahəsində beynəlxalq fəalların həmrəyliyi” adlı iclasda çıxış edərək dedi: “Sevindirici haldır ki, bu təşkilatda qadınlar sahəsi mədəni diplomatiya müstəvisində inkişaf edib və ciddi şəkildə diqqətə alınıb. Bu istiqamətdə işlər qətiyyətlə davam etdiriləcək.

Qadın və ailə məsələləri üzrə prezident aparatının beynəlxalq fəaliyyətlərə xüsusi diqqət ayırdığını bildirərək əlavə etdi: “Beynəlxalq proqramlarda iştirak təcrübəsi göstərib ki, xaricilərin gözündə İran qadınlarının obrazı natamam və düzgün deyil. Halbuki bizim konstitusiyamızda qadın və ailəyə münasibət çox inkişaf etmiş və ali bir baxışla təqdim olunub. Bu gün İranda mövcud vəziyyət həmin yanlış təsəvvürlərlə tamamilə fərqlidir və bu reallıqlar düzgün şəkildə dünyaya çatdırılmalıdır. Hamı bu istiqamətdə kömək etməlidir ki, İran qadınlarının mövcud həqiqətləri və nailiyyətləri beynəlxalq səviyyədə tanıdılsın.

Bəhruzazər bildirib ki, “Qadınlar və kişilər cəmiyyətin iki qanadıdır”.O qeyd etdi: “Əgər İnqilabın Ali Rəhbərinin müəyyən etdiyi inkişaf zirvələrinə çatmaq istəyiriksə, qadınlar və kişilər bu yolu birgə qət etməlidirlər. Bu anlayış bizim İran sivilizasiyasından qaynaqlanır. Belə ki, Təxti-Cəmşid gil (Təxti-Cəmşid sarayında yazılmış gil lövhələrdəki tarixi sənədlər və yazılar deməkdir) lövhələrində qadınların o dövrdə işəgötürən olduqlarını və bəzən dörd yüz nəfərə qədər insanı idarə etdiklərini göstərən sənədlər mövcuddur. Həmçinin həmin dövrdə qadın və ailə məsələləri ilə bağlı inkişaf etmiş qanunlar da mövcud idi. Eyni baxış İslamda da görünür İslam Peyğəmbərinin (s) həyat yoldaşı Həzrət Xədicə (s.ə) ticarətlə məşğul olan və eyni zamanda peyğəmbərliyin yolunda Peyğəmbərə (s) maddi dəstək göstərən bir qadın idi.

O vurğulayıb ki, müsəlman qadın modeli göstərir ki, qadın həm ana rolunu yerinə yetirməli, həm də cəmiyyətdə fəal iştirak etməlidir. O dedi: “Bizim inanclarımıza görə, İran qadınlarının nailiyyətlərini heç tərəddüd etmədən və qürurla dünyaya təqdim etməliyik. Sevindirici haldır ki, dünyanın bir çox ölkəsinin əksinə, İranda təhsil sahəsində cinsiyyət boşluğu mövcud deyil. Bu gün qızlarımızın sayı o qədər çoxalmışdır ki, universitet tələbələrinin 58 faizini təşkil edirlər. Həmçinin ölkədəki ixtiraların 24 faizi qadınlar tərəfindən qeydiyyata alınır, halbuki bu rəqəm dünyada 17 faizdir.

O davam edərək bildirdi: “Qadınların gücləndirilməsi sahəsində bizim baxışımız kütləvi yanaşma deyil. Qadınların bacarıqları eyni deyil və yaş, təhsil səviyyəsi və yaşayış yerinə görə müxtəlif proqramlar hazırlanmalıdır. Qadın fəaliyyətlərinin dəstəklənməsi zəncirinin sonu məhsul istehsalına və ixracata aparmalıdır və bu zəncirdə qadın fəalların müxtəlif sahələri iştirak edir.

Bəhruzazər İslam Peyğəmbərinin (s) doğumunun 1500-cü ildönümünə işarə edərək dedi: “Bu münasibət İran qadınlarının bacarıqlarını nümayiş etdirmək üçün dəyərli fürsətlərdən biridir. İslam Peyğəmbərinin (s) qadın, insan və ailəyə baxışı çox əhatəli və indi bu baxışı yenidən təbliğ edib izah etmək, həmçinin İran qadınlarının nailiyyətlərini göstərmək üçün münasib fürsətdir. Əgər bu baxışı Qurani-Kərimə istinad edərək təqdim etsək, yeni uğurlara nail ola bilərik.

O əlavə etdi: “Qızlarımız ana təbiətinə görə kişilərdən fərqli qayğılara sahibdirlər və biz mərhəmət, ağıl və həmrəylik əsasında qadınların təsirli fəaliyyətlərini nümayiş etdirmək istəyirik.

Qadın və ailə məsələləri üzrə mütəxəssis doktor Bəhruzazər həmçinin xaricdə yaşayan iranlıların qadın və ailə sahəsindəki əhəmiyyətinə toxunaraq dedi: “Ümid edirik ki, xaricdə yaşayan iranlılar, xüsusilə qadınlar üçün layiqli olanı dünya səviyyəsində nümayiş etdirə bilək. İran bütün iranlılar üçündür və xaricdəki iranlıların qəlbində vətənə bağlı bir sevgi var ki, bu ölkənin inkişafına xidmət edə bilər. Bu əzizlər üçün geri qayıtmaq və əməkdaşlıq imkanlarını yaratmaq lazımdır ki, onlar ölkənin inkişaf yolunda rol oynaya bilsinlər.

"Qadın və ailə sahəsində beynəlxalq fəalların həmrəyliyi” adlı iclas qadın və ailə diplomatiyasında əməkdaşlıq imkanlarını araşdırmaq məqsədilə İslam Mədəniyyət və Əlaqələr Təşkilatının təşəbbüsü ilə və bu sahədə beynəlxalq fəal və iştirakçıların iştirakı ilə keçirildi.

Xəbərin sonu